29 მაისს, 13 საათზე, გორში დემოკრატიული ჩართულობის ცენტრში (სტალინის ქ. #7),  კავშირი „ნაბიჯი მომავლისკენ“  ბაზაზე მიმდინარე პროექტის - „უკეთესი მომავლისთვის“ ფარგლებში მეორე, შემაჯამებელი მრგვალი მაგიდის ფორმატის შეხვედრა ჩატარდა. 
 
შეხვედრის მთავარი თემები იყო კანონთან კონფლიქტში მყოფ მშობლებთან პროექტის ფარგლებში განხორციელებული საქმიანობა, პროექტის შედეგები, გამოწვევები, მიღწევები და ორგანიზაციის სამომავლო გეგმები. შეხვედრას ფასილიტაციას ორგანიზაციის დირექტორი, ქეთი ბიძინაშვილი უწევდა. შეხვედრის მონაწილეებს პროექტის  მიზნების, განხორციელებული საქმიანობისა და შედეგების შესახებ ლევან სალამაძე, პროექტის "უკეთესი მომავლისთვის" ხელმძღვანელი ესაუბრა. შეხვედრის ძირითადი ნაწილი კითხვა-პასუხის რეჟიმში წარიმართა. 
 
მრგვალი მაგიდის ფორმატის შეხვედრას ადგილობრივი სამთავრობო და არასამთავრობო სექტორის წარმომადგენლები და ჟურნალისტები ესწრებოდნენ. 

პროექტი: „ ახალი გზა“
შეხვედრის მიზანი:   პროექტის პრეზენტაცია/წარდგენა;
ჩატარების თარიღი/დრო: 12 საათი, 26 აპრილი 2017 წელი; ქალაქი გორი
ადგილმდებარეობა: გორის დემოკრატიული ჩართულობის ცენტრი
 
ჩეხური არაკომერციული ორგანიზაცია People In Need ახორციელებს პროექტს „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ ოთხ სამიზნე მუნიციპალიტეტში (ხონი, ტყიბული,ზუგდიდი, გორი), რომლის მიზანია სოციალური სერვისების ხელმისაწვდომლობის გაუმჯობესება ადგილობრივ დონეზე საქართველოში.
 
მიმდინარე წლის 26 აპრილს ა(ა)იპ „ნაბიჯი მომავლისკენ“ მიმდინარე  პროექტ „ახალი გზის“ ფარგლებში,ქალაქ  გორში  გაიმართება პროექტის წარდგენა/პრეზენტაცია, შეხვედრას დაესწრებიან PIN-ის, ადგილობრივი თვითმმართველობის, საზოგადოებრივი ორგანიზაციის წარმომადგენლები და სხვა დაინტერესებული პირები.
  პროექტი “ახალი გზა“ განხორციელდება PIN-ის სოციალური პროექტის ფარგლებში 6 თვის განმავლობაში, რომელიც დაფინანსებულია ევროკავშირის და ჩეხეთის საგარეო საქმეთა სამინისტროს მიერ და ხორციელდება გორის მუნიციპალიტეტში. პროექტის მიზანია გორის მუნიციპალიტეტში მცხოვრები კანონთან კონფლიქტში მყოფი პირების სოციალური და ეკონომიკური პირობების გაუმჯობესება, რესოციალიზაცია.
პროექტში ჩაერთვება გორის მუნიციპალიტეტში მცხოვრები  10 კანონთან კონფლიქტში მყოფი პირი, რომელთათვის შეთავაზებული იქნება მეფუტკრეობის თეორიული და პრაქტიკული სწავლება, ასევე სწავლება ცხოვრების ჯანსაღი წესის დამკვიდრების შესახებ. პროექტში ჩართულ პირებს გადაეცემათ სწავლის წარმატებით დასრულების შემდეგ სერთიფიკატი, ფუტკრის სკები და დამხმარე ინვენტარი.
პროექტში ჩართულ პირებს და მათ ოჯახის წევრებს ორგანიზაციის ბაზაზე გაეწევათ ფსიქოსოციალური დახმარება და ფსიქოლოგიური კონსულტირება.
პროექტის ბენეფიციარები და მათი ოჯახის წევრები პროექტის  განხორციელების შედეგად შეძლებენ გაიუმჯობესონ სოციალურ-ეკონომიკური მდგომარეობა. {ციტატის დასასრული}
საკონტაქტო პირი:  ქეთევან ბიძინაშვილი, პროექტის მენეჯერი, nabiji02@gmail.com (599 37 02 55)
 
#EuforGeorgia
#PINGeorgia
#StepToFuture

ორგანიზაციის ბაზაზე მიმდინარე პროექტის "უკეთესი მომავლისთვის" ფარგლებში მომზადდა პირველი რადიო გადაცემა. რადიო გადაცემის სტუმრები იყვნენ პროექტის ხელმძღვანელი ლევან სალამაძე და პროექტის საზოგადოებასთან ურთიერთობის სპეციალისტი ნინო მჭედლიშვილი. გადაცემის თემას წარმოადგენდა კანონთან კონფლიქტში მყოფი პირების პრობლემები, ამ პრობლემების ასახვა მათ არასრულწლოვან შვილებზე და სოციალური მეწარმეობა  როგორც მათი ოჯახების ეკონომიკური გაძლიერების ერთ-ერთ მნიშვნელოვანი გზა.

2017 წლის 14 თებერვალს, პროექტის "უკეთესი მომავლისთვის" ფარგლებში, გორში, დემოკრატიული ჩართულობის ცენტრში ჩატარდა მრგვალი მაგიდის ფორმატის შეხვედრა. შეხვედრას ესწრებოდნენ ადგილობრივი სამთავრობო და არასამთავრობო სექტორის და მასმედიის წარმომადგენლები. შეხვედრის პირველი ნაწილი დაეთმო პროექტის პრეზენტაციას. შეხვედრის ძირითადი ნაწილი კი დაეთმო კანონთან კონფლიქტში მყოფი პირების პრობლემების განხილვას. პროექტის ხელმძღვანელმა, ლევან სალამაძემ ყურადღება გაამახვილა სოციალურ მეწარმეობაზეც, როგორც კანონთან კონფლიქტში მყოფი პირების ეკონომიკური გაძლიერების ერთ-ერთ მნიშვნელოვან გზაზე. შეხვედრა ინტერქატიულ რეჟიმში წარიმართა.

კავშირი „ნაბიჯი მომავლისკენ“  აცხადებს ორგანიზაციის ბაზაზე მიმდინარე პროექტის „უკეთესი მომავლისთვის“ ფარგლებში ბენეფიციართა შერჩევას. ბენეფიციარებს ჩაუტარდებათ 2 სახის ტრენინგი „სოციალური მეწარმოების განვითარების ტრენინგი“ და „სოციალური მეწარმეობის სამართლებრივი ასპექტების“ ტრენინგი. ტრენინგების კურსის დასრულების შემდეგ მონაწილეებს გადაეცემათ შესაბამისი სერტიფიკატები. პროექტის ბენეფიციარებს ასევე ექნებათ შესაძლებლობა სოციალურ მეწარმეობასთან დაკავშირებით 2018 წლის 1 თებერვლამდე მიიღონ ტრენერებისგან უფასო კონსულტაციები.
 
პროექტის ბენეფიციარად შეირჩევა პირი რომელსაც:
·         ჰყავს არასრულწლოვანი შვილ(ებ)ი ან არის არასრულწლოვანი პირ(ებ)ის მეურვე;
·         არის პირობით მსჯავრდებული ან აქვს ნასამართლეობის სტატუსი;
·         არის უმუშევარი.
 
პროექტის მიზანია კანონთან კონფლიქტში მყოფი მშობლების ეკონომიკური მდგომარეობის გაუმჯობესება დამატებითი შემოსავლის მოძიებისთვის საჭირო ცოდნის შეძენისა და უნარ-ჩვევების განვითარების გზით. 
პროექტის ფარგლებში იგეგმება 30 ბენეფიციარის შერჩევა, რომლებიც დაკომპლექტდებიან პირველ, მეორე და მესამე  ჯგუფებად. პირველ ჯგუფში მონაწილეთა რეგისტრაცია იწყება 2017 წლის 10 თებერვალს და დასრულდება 2017 წლის 17 თებერვალს.
პროექტში მონაწილეობის მისაღებად ეწვიეთ ორგანიზაციის ოფისს მისამართზე ქ. გორი, ბესიკის ქ. #3.
დამატებითი ინფორმაციისთვის დაგვიკავშირდით ნომერზე: 27 01 72
ან ელ. ფოსტაზე: nabiji02@gmail.com
 
პროექტი "უკეთესი მომავლისთვის" (EC/07/16-20444) ხორციელდება ფონდ „ღია საზოგადოება-საქართველოს“ და საზოგადოება „ბილიკის“ მხარდაჭერით.
 
 
 

ორგანიზაციის გორის ოფისში, პროექტის „უკეთესი მომავლისთვის“ ფარგლებში ცხადდება ვაკანსიები ტრენერ-კონსულტანტების პოზიციებზე შემდეგი ტრენინგებისთვის:
 
1.    „სოციალური მეწარმეობის განვითარების ტრენინგი“
 
ძირითადი ვალდებულებები:
·         ტრენინგ მოდულის შექმნა;
·         ტრენინგების წარმართვა;
·         ყოველი ტრენინგის შემდეგ მოკლე, წერილობითი უკაკავშირის/ანგარიშის წარდგენა პროექტის ადმაინისტრაციასთან;
·  სოციალური საწარმოს დაარსებასთან და ფუნქციონირებასთან დაკავშირებით პროექტის ბენეფიციარებისთვის კონსულტაციების გაცემა.
 
საკვალიფიკაციო მოთხოვნები:
·         უმაღლესი განათლება, სასურველია ეკონომიკის ან ბიზნეს ადმინისტრირების დარგში ან მონათესავე სპეციალობებში;
·         ტრენერად მუშაობის მინიმუმ 1 წლიანი გამოცდილება;
·         სოციალური მეწარმეობის სფეროში კონსულტაციების წარმოების მინიმუმ 1 წლიანი გამოცდილება;
·         სოციალური მეწარმეობის სფეროში გრანტის გაცემისა და გრანტიორებთან მუშაობის მინიმუმ 1 წლიანი გამოცდილება;
·         ქართული ენის სრულყოფილად ცოდნა;
·         დამოუკიდებლად და გუნდურად მუშაობის უნარი;
·         კომუნიკაბელურობა, ორგანიზებულობა და მაღალი პასუხისმგებლობის უნარი;
·         საოფისე პროგრამების კარგი ცოდნა.
 
 
2.     „სოციალური მეწარმეობის სამართლებრივი ასპექტები“
 
ძირითადი ვალდებულებები:
·         ტრენინგ მოდულის შექმნა;
·         ტრენინგების წარმართვა;
·         ყოველი ტრენინგის შემდეგ მოკლე, წერილობითი უკაკავშირის/ანგარიშის წარდგენა პროექტის ადმაინისტრაციასთან;
·         პროექტის ბენეფიციარებისთვის შესაბამისი იურიდიული კონსულტაციების გაცემა.
 
საკვალიფიკაციო მოთხოვნები:
·         უმაღლესი იურიდიული განათლება;
·         ტრენერად მუშაობის მინიმუმ 1 წლიანი გამოცდილება;
·         იურისტ კონსულტანტად მუშაობის მინიმუმ 1 წლიანი გამოცდილება;
·         ქართული ენის სრულყოფილად ცოდნა;
·         დამოუკიდებლად და გუნდურად მუშაობის უნარი;
·         კომუნიკაბელურობა, ორგანიზებულობა და მაღალი პასუხისმგებლობის უნარი;
·         საოფისე პროგრამების კარგი ცოდნა.
 
 
დაინტერესებულ პირებს გთხოვთ გამოაგზავნეთ CV შემდეგ ელ. ფოსტაზე: levan.salamadze@yahoo.com
 
საბუთების მიღების ბოლო ვადაა 2017 წლის 8 თებერვალი.
 
 
პროექტი ხორციელდება ფონდ ღია საზოგადოება-საქართველოს და საზოგადოება „ბილიკის“ მხარდაჭერით.

2016 წლის 1 დეკემბერს, გორში, სასტუმროში "ვიქტორია" ჩატარდა მრგვალი მაგიდის ფორმატის შეხვედრა სახელწოდებით "1 დეკემბერი - შიდსთან ბრძოლის მსოფლიო დღე". შეხვედრის ორგანიზატორები იყვნენ ორგანიზაცია "ნაბიჯი მომავლისკენ", შიდსით ინფიცირებულთა დახმარების ფონდი და საქართველოს გაეროს ასოციაცია. შეხვედრაზე სიტყვით გამოვიდნენ ა/ო "ნაბიჯი მომავლისკენ" ხელმძღვანელი ქეთევან ბიძინაშვილი, შიდსის ცენტრის ეპიდემიოლოგი გიორგი ხეჩიაშვილი და შიდსით ინფიცირებულთა დახმარების ფონდის წარმომადგენლები. შეხვედრას ესწრებოდნენ ადგილობრივი სამთავრობო სექტორის წარმომადგენლები, საზოგადოებრივი ორგანიზაციების წარმომადგენლები, ჯანდაცვის წარმომადგენლები და დაავადებათა კონტროლის ცენტრი.

პირველი დეკემბერი შიდსთან ბრძოლის საერთაშორისო დღეა. აღნიშნული ტრადიცია სათავეს 80–იანი წლებიდან იღებს, დღეს მსოფლიოს 160–ზე  მეტ ქვეყანაში ტარდება ამ დღისადმი მიძღვნილი სხვადასხვა ღონისძიება. ხვალ, პირველ დეკემბერს პირველ საათზე საქართველოს 6 ქალაქში - თბილისი, ქუთაისი, სამტრედია, გორი, თელავი, ბათუმი - ერთდროულად გაიმართება აქცია. აქციის მიზანია გაზარდოს ინფორმირებულობა შიდსის, მისი გავრცელების და პრევენციის  გზების შესახებ. კამპანია მოიცავს რამდენიმე ეტაპს:
 
11:00 საათზე კულტურისა და ახალგაზრდობის ცენტრში ლექცია აივ ინფექცია/შიდსზე.
 
13:00 საათზე დაიწყება ქუჩის აქცია  თეატრის ბაღში, სადაც ნებისმიერ მსურველს შეეძლება ჩაიტაროს უფასო სკრინინგ ტესტი აივ/შიდსზე და C ჰეპატიტზე, დარიგდება საინფორმაციო ტიპის ლიფლეტები და მოხდება ფრანების გაშვება.
 
15:00 საათზე მრგვალი მაგიდა სასტუმროში „ვიქტორია“ - მომხსენებელი შიდსის ცენტრის ეპიდემიოლოგი გიორგი ხეჩიაშვილი.
 
15:00 პარალელურად ჩატარდება ლექცია გორის უნივერსიტეტში ლექცია აივ ინფექცია/შიდსზე. ამავე პერიოდში ნებისმიერ მსურველს შეუძლია გორის უნივერსიტეტთან მდგარ მობილურ ამბულატორიაში გაიკეთოს უფასო სკრინინგ ტესტი აივ/ შიდსზე და C ჰეპატიტზე.
 
ქალაქ გორში კამპანიას ორგანიზებას გაუწევს: ა(ა)იპ კავშირი „ნაბიჯი მომავლისკენ“, შიდსით ინფიცირებულთა დახმარების ფონდი, საქართველოს გაეროს ასოციაცია და აშშ საერთაშორისო განვითარების სააგენტო (USAID).
 
 
 
 
 

არასამთავრობო ორგანიზაცია "ნაბიჯი მომავლისკენ" ორგანიზაციის გორის ოფისში აცხადებს ვაკანსიას იურისტ კონსულტანტის პოზიციაზე.
სამუშაო განაკვეთი: 20%.
 
საკვალიფიკაციო მოთხოვნები:
 

უმაღლესი იურიდიული განათლება; 
მინიმუმ ერთწლიანი სამუშაო გამოცდილება; 
საოფისე კომპიუტერული პროგრამების სრულყოფილი ცოდნა;
პასუხისმგებლობის მაღალი გრძნობა.
 
სასურველია:
 
ტრენერად მუშაობის გამოცდილება
უცხო ენის ცოდნა (რუსული ან ინგლისური)
 
დაინტერესებულმა პირებმა გთხოვთ CV/Resume და სამოტივაციო წერილი გამოაგზავნოთ შემდეგ ელ. ფოსტაზე: nabiji02@gmail.com ან mchedlin@gmail.com
 
განაცხადების მიღების ბოლო ვადაა 23 სექტემბერი, 2016 წ.

კავშირი "ნაბიჯი მომავლისკენ" აცხადებს ტენდერს აუდიტორულ მომსახურებაზე. დაინტერესებულ აუდიტორულ კომპანიებს ვთხოვთ, გამოგზავნონ საკუთარი შემოთავაზება 2016 წლის 2 თებერვლის ჩათვლით ელ.ფოსტაზე: nabiji02@gmail.com

შემოთავაზება უნდა მოიცავდეს:

1. ინფორმაცია კომპანიის შესახებ

2. ინფორმაცია აუდიტის მეთოდოლოგიის და დროში გაწერილი გეგმის შესახებ

3. ბიუჯეტი